UEFA Çempionlar Liqasının əsas mərhələsinin II turu çərçivəsində keçiriləcək “Qarabağ” – “Kopenhagen” oyunu öncəsi azarkeşləri xüsusi sürpriz gözləyir.
Bu haqda Ağdam klubunun yaydığı açıqlamada bildirilib.
Matçdan əvvəl Qarabağ atları stadionun ətrafında dövrə vuraraq tribunadakı azarkeşlərə unudulmaz anlar yaşadacaq. Bu ənənəvi simvol klubun adını və Qarabağ ruhunu azarkeşlərə daha yaxından çatdırmaq məqsədi daşıyır.
Dövrə stadionun atletika zolağında saat 19:35-də start götürəcək və azarkeşlər üçün əsl motivasiya mənbəyinə çevriləcək.
Xatırladaq ki, “Qarabağ” – “Kopenhagen” oyunu yerli vaxtla saat 20:45-də başlanacaq. (Qol.az)
