ABŞ-la İranın nüvə proqramı üzrə danışıqlar mümkün deyil, – İranın ali lideri ayətullah Əli Xamenei bəyan edib. Onun sözlərinə görə, Vaşinqton sistemli şəkildə razılaşmaları pozur və aqressiv davranır.
“Qarşı tərəf bütün vədləri pozur, yalan danışır və daimi olaraq hərbi müdaxilə ilə hədələyir. Belə bir tərəflə danışıqlar aparmaq, əminliklə masa arxasına oturub razılaşma bağlamaq mümkün deyil”, – Xamenei vurğulayıb.
İran lideri istisna etməyib ki, ABŞ yenidən İranın nüvə obyektlərinə hücum etməyə və ya ölkənin silahlı qüvvələrinin yüksək vəzifəli nümayəndələrinə sui-qəsd təşkil etməyə cəhd göstərə bilər.