“Gözləri mütəmadi ovmaq buynuz qişanın nazilməsinə səbəb ola bilər”.
Tacxeber.com“Lenta.ru”ya istinadla xəbər verir ki, bu barədəhəkim-oftalmoloq Kristina Qorbaçeva danışıb.
Mütəxəssisin sözlərinə görə, insan gözlərini ovduqda bu, buynuz qişanın səthində zədələr yarada bilər, yəni nöqtəli keratopatiyaya (buynuz qişanın epitelinin zədələnməsi) və göz qapağı boyunca xətti eroziyalara səbəb ola bilər.
Bundan başqa, belə dəyişikliklər görmə pozuntuları və xoşagəlməz hisslərlə müşayiət olunur: görmənin bulanıqlaşması, gözlərdə dumanlılıq hissi, narahatlıq, qum hissi və qızartı. Bütün bunlar müalicə və nəzarət tələb edir.
Əllərdə çoxlu mikroorqanizm ola bildiyi üçün onları tez-tez gözlərlə təmas etdirmək infeksiya və iltihabi xəstəliklər riskini artırır. Məsələn, konyunktivit və blefarit yarana bilər. Xüsusilə kontakt linza taxanlar üçün gözlərlə birbaşa təmasdan qaçmaq vacibdir.