“ABŞ Prezidenti Donald Trampın bu həftə Rusiya ilə bağlı mövqeyini dəyişməsi Vladimir Putinə və yerdəki duruma qarşı artan səbirsizliklə bağlıdır”.
Tacxeber.com xəbər verir ki, bunu ABŞ-nin vitse-prezidenti Ceyms Devid Vens deyib.
“Həm ruslar, həm də ukraynalılarla olduqca yaxşı danışıqlar apardıq. Düşünürəm ki, prezident ruslara qarşı getdikcə səbirsizləşir. Əgər ruslar yaxşı gedən danışıqlardan imtina etsələr, məncə, bu, onların ölkələri üçün çox-çox pis olacaq. Prezident bunu açıq şəkildə bəyan edib. Bu, mövqe dəyişikliyi deyil, reallığın qəbul olunmasıdır. Söhbət Putinə son nəticədə danışıqlar masasına oturmağa kömək edəcək bir siqnal göndərməkdən gedir”, – Vens vurğulayıb.