Avropa Komissiyasının rəhbəri Ursula fon der Leyen bu dəfə yenə də Fransanın prezidenti Emmanuel Makronla olan SMS yazışmaları ilə əlaqədar qalmaqalda adı hallanır.
Tacxeber.com xəbər verir ki, bunu Macarıstanın Avropa Parlamentindəki deputatı, “Avropanın Patriotları” fraksiyasının müavini Kinga Gal bildirib.
“Avropa ombudsmanı, Komissiyanın rəhbərinin Makronla “Mercosur” ticarət müqaviləsi ilə bağlı yazışmalarını araşdırmağa başlayıb. Pfizer ətrafında yaşanan skandalda olduğu kimi, bu mesajlar da itib”, – deyə o, “X” sosial şəbəkə platformasında qeyd edib.
Gal, Avropa Komissiyasının şəffaflıqdan uzaq fəaliyyətini vurğulayıb və Avropa İttifaqı institutlarında şəffaflığın artırılmasına çağırıb.
10 iyulda Strasburqda Avropa Parlamentinin iclasında, “COVID-19” vaksinləri ilə bağlı korrupsiya ittihamları ilə əlaqədar olaraq fon der Leyenə etimadsızlıq mövzusunda 25 ildə ilk dəfə səsverməyə çıxarılması təklif olunub. Lakin, bu təklif rədd edilib. Bunun əleyhinə 553 deputatdan 360-ı səs verib, 175 deputat isə təklifi dəstəkləyib, 18 nəfər isə bitərəf qalıb.