Rusiyanın Avropada “dron şousundan” sonra Avropanın, NATO-nun, Ukraynanın əsas himayədarı rolunda Türkiyə çıxış edir. Dünən Türkiyə Litvaya xüsusi radar təyyarəsi göndərib. AWACS təyyarəsi yerdən aşkarlanması çətin olan alçaqdan uçan obyektləri (o cümlədən dronları) aşkar edə bilir. Bloomberg xəbər verir ki, NATO bununla da Baltik regionunda müdafiəsini gücləndirir.
Türkiyə BMT-də dünyaya Krımın Rusiya olmadığını da xatırladıb.
Müdafiə naziri Yaşar Gülər Ankaranın yarımadanın ilhaqını heç vaxt tanımadığını və ərazi bütövlüyü məsələlərində Kiyevi dəstəklədiyini bir daha bəyan edib.
Gülər Baş Assambleyadakı çıxışında Krım tatarlarının hüquqlarının qorunması məsələsini də gündəmə gətirib: “Bizim üçün bu, təkcə xarici siyasət məsələsi deyil, həm də tarixi və mənəvi məsuliyyətdir. Biz onların səsinin eşidilməsi, hüquqlarının müdafiəsi, azadlıq və ləyaqətinin təmin olunması üçün bundan sonra da qətiyyətlə çalışacağıq”.
Dadaş Əhmədli