2024-cü ildə Müdafiə Nazirliyində baş verən səs-küylü həbslərdən sonra nazir Şoyqu ciddi stress keçirib.
Tacxeber.com xəbər verir ki, bu barədə Təhlükəsizlik Şurasının Şoyquya yaxın mənbələri xüsusi xidmətə yaxın “Çernov” teleqram kanalına bildirirblər.
Mənbə deyib ki, 2024-cü ildə Timur İvanov və digər yüksək rütbəli hərbçilər saxlanılan zaman Şoyqu sarsılıb.
Etibarlı adamlarla dar çərçivədə müzakirələr zamanı ölkədən qaçmaq versiyası da müzakirə olunub. Şoyqunun dairəsi istintaqın həddən artıq “yuxarı” gedəcəyi və şəxsən nazirə təsir edəcəyi təqdirdə son çarə kimi onun ölkədən qaçmasını təklif edib.
Lakin Kreml nümayəndələri ilə bir neçə qapalı görüşdən sonra hər şey dəyişib. Şoyqu şəxsi zəmanətlər alıb: heç kim onu araşdırmayacaq, lazım gəlsə, dövlət onu tam hüquqi və fiziki müdafiə ilə təmin edəcək.
Bununla belə, ona deyilib ki, daha müdafiə naziri vəzifəsində qala bilməyəcək. İstintaq araşdırmaları və ümumi ictimai təzyiqlər belə bir ssenarini çox riskli hesab edib. Kreml kompromis təklif edib: Şoyqunun statusunu və təsirini qoruyub saxlayaraq onu Təhlükəsizlik Şurasına rəhbər təyin etmək. Lakin onun ordunun gündəlik idarə olunmasında iştirakı məsləhət bilinməyib.