Ukrayna Prezidenti Vladimir Zelenski Rusiyanın hərbi-sənaye kompleksi, “gizli” donanması və enerji sektoruna dəstək verən şəxslərə qarşı yeni sanksiyalar tətbiq edib.
Tacxeber.com xəbər verir ki, Prezidentin 2025-ci il 10 sentyabr tarixli Milli Təhlükəsizlik və Müdafiə Şurasının qərarını təsdiqləyən №675/2025 saylı fərmanında şəxsi, iqtisadi və digər məhdudlaşdırıcı tədbirlərin tətbiq edilməsi nəzərdə tutulur.
Rəsmi sənəddə sanksiyaların məqsədi Ukraynanın milli təhlükəsizliyinin təmin olunması və Rusiyanın müharibə potensialına dəstəyin qarşısının alınması kimi izah olunur.