Millimizin baş məşqçisi Fernandu Santuşun maaşı haqqında rəsmi məlumat yoxdur – bu da ölkədə şəffaflığın bərbad olduğunu bir daha sübut edir. Müxtəlif mənbəələrdə qazancının 2 mln. avro illik maaş və bonuslar olduğu yazılıb. Onunla 4 illik müqavilə bağlanılıb, deməli, sona qədər qalsa 8-10 mln. arası maaş, qovulsa da, təxminən, bir o qədər təzminat alacaq.
Ölkdə ildə 2 mln. avroya 2-3 yaxşı uşaq futbol məktəbi yaratmaq olar, həmin uşaqlara doğru yanaşma olsa, bir neçə ildən sonra peşəkar futbolçuya çevrilə bilərlər. Hər məktəbdə 100, ümumən 200-300 arası fərasəti olan uşaqlarla doğru məşq keçsələr, onlardan mütləq 11 nəfər millidə oynaya biləcək futbolçu çıxacaq, ən azı, 15-20 nəfər legionar ola biləcək.
Millinin uğur yolu 7-8 yaşlı uşaqların doğru məşqçi ilə düzgün tədrisindən başlaya bilər. Bunun üçün Santuşa-mantuşa ehtiyac yoxdur, (açığı, bu gün Millinin zəif oynamasının günahı heç onda da deyil – Santuş nəticəni dəyişə bilməz, çünki, nəticəni yaradan səbəblər ondan asılı deyil) futbol sahəsi bilən, sevən, bacaran, milli təəssübkeşliyi olan insanlara həvalə edilməlidir. Vəssalam…