Özününküləri öldür ki…
Xerson vilayətində işğalçılar səhvən öz aralarında atışmaya başlayıb və 20-dən çox “yoldaşlarını” öldürüblər. Əvvəlcə motoatıcı alayın əsgərləri səhvən kəşfiyyat briqadasının mövqelərinə atəş açıblar. Orada da öz növbəsində “həmkarları” onları Ukrayna təxribat-hücum qrupu ilə səhv salıblar və ehtiyat bölmə həyəcan vəziyyətinə gətirilib. Xaotik atışma baş verib.
“Atəş” partizan hərəkatı xəbər verir ki, hadisə avqustun 19-da baş verib. Nəticə: 21 işğalçı məhv edilib, 17 nəfər isə yaralanıb.
Rusların belə bir məsəli var: “Özününküləri döy ki, özgələri qorxsun”. Amma bu dəfə deyəsən, daha dərinə gediblər. Özü də heç kimi qorxutmayıblar, sadəcə, qeyri-peşəkar yanaşma göstəriblər. Nəticə də belə…