Aleksander Stubb 21 avqustda dərc olunan “Hakimiyyət üçbucağı” adlı kitabında maliyyə naziri olduğu dövrlərə aid bir hadisəni bölüşüb.
Onun sözlərinə görə, prezident Sauli Niinistö ilə birlikdə Sibirə səfəri zamanı hava limanı əməkdaşları uçuşu gecikdirməyə çalışaraq rüşvət tələb ediblər. Stubb isə telefonunu çıxarıb Sergey Lavrovun nömrəsini göstərərək, Rusiya XİN rəhbərinə zəng etməyə hazır olduğunu deyib. Bu hədədən sonra nümayəndə heyətinin uçmasına icazə verilib.
Kitabda həmçinin Stubb Rusiyanın Ukraynaya qarşı genişmiqyaslı işğalını “dönüş nöqtəsi” adlandırır və RF-ni “imperialist və avtoritar dövlət” kimi xarakterizə edir. Onun fikrincə, Rusiya supergüc statusuna nostalji ilə ilişib qalıb və xammal iqtisadiyyatını islah etməyə qadir deyil.