Sünik bölgəsindən (Zəngəzur – red.) keçən marşrutun təhlükəsizliyini üçüncü ölkə deyil, Ermənistan qüvvələri təmin edəcək.
Bunu Ermənistanın baş naziri Nikol Paşinyan İrəvanda İran prezidenti Məsud Pezeşkianla danışıqlardan sonra mətbuata açıqlamasında deyib.
Ermənistanın baş naziri vurğulayıb ki, Azərbaycanla əsas razılaşmalardan biri regionda kommunikasiya yollarının bərpasına aiddir.
“Ermənistan ərazisindən keçən rabitə marşrutları Ermənistanın müstəsna yurisdiksiyasında olacaq, təhlükəsizliyi hər hansı üçüncü ölkə deyil, Ermənistan tərəfi təmin edəcək”, – Ermənistanın baş naziri bildirib.