Rusiya və Amerika prezidentləri Vladimir Putin və Donald Trampın Ankoric ştatında, Alyaskadakı bir oteldə görüşü ilə bağlı Dövlət Departamentinin sənədləri olduğu güman edilən sənədlərin tapılmasından sonra Ağ Ev Milli İctimai Radionun (NPR) təhlükəsizlik pozuntuları ilə bağlı tənqidini rədd edib.
“NPR-nin nahar menyusunun bir neçə səhifəsini dərc etməsi və bunu təhlükəsizlik pozuntusu adlandırması gülüncdür. Özünü araşdırmaçı jurnalistika adlandırması buna görə də heç kim onları ciddiyə almır”, – Ağ Evin mətbuat katibinin müavini Anna Kelli ABC-yə istinadən verdiyi açıqlamada bildirib.
Məlumata görə, Trampla Putinin görüşünün planını əks etdirən səkkiz səhifə oteldəki ictimai printerdə təsadüfən qalıb. Sözügedən otel zirvənin keçirildiyi Elmendorf-Richardson yaxınlığındakı dördulduzlu Kapitan Kuk Otelidir.
Sənədlərə birgə nahar üçün menyu da daxildir və nəticədə ləğv edilib. Oturma cədvəlinə əsasən, Putin və Tramp qarşı-qarşıya oturmalı idilər. Materiallarda Ağ Ev rəhbərinin həmkarına keçəl qartal heykəlciyi hədiyyə etmək istədiyi vurğulanır.