Ukrayna prezidenti Volodimir Zelenski Rusiya ordusunun yaxın günlərdə hücumları intensivləşdirə biləcəyini bildirib.
Bu barədə o, “Telegram” kanalında paylaşım edib.
“Yaxın günlərdə Rusiya ordusu daha əlverişli siyasi şərait yaratmaq üçün təzyiqləri artırmağa və Ukraynanın mövqelərinə zərbələr endirməyə cəhd edə bilər. Biz rus qoşunlarının hərəkətlərini, hazırlıqlarını qeydə alırıq. Əlbəttə ki, biz buna qarşı çıxacağıq”, – deyə Zelenski “Telegram”da yazıb.
Bununla yanaşı, Ukrayna ordusunun “Dnepr” Operativ-Strateji Qruplaşması məlumat yayıb ki, rus qoşunları Dobropilya istiqamətində Popov Yarını, Severski istiqamətində isə İvano-Daryevkanı ələ keçiriblər.
