ABŞ prezidenti Donald Tramp Fox News-a bildirib ki, Vladimir Putinin Alyaskadakı görüşü zamanı söylədiyi “ən maraqlı” ifadələrdən biri 2020-ci il seçkiləri ilə bağlı verdiyi qiymətdir.
Trampın sözlərinə görə, Rusiya lideri deyib: “Seçkiləriniz saxtalaşdırıldı, çünki siz qiyabi səsvermədə iştirak edirsiniz. Heç bir ölkədə bu yoxdur. Eyni zamanda qiyabi səsvermə və ədalətli seçkilər keçirə bilməzsiniz”.
Tramp həmçinin bildirib ki, Putin ona birbaşa deyib: “Sən açıq-aydın bu seçkilərdə qalib gəldin və mən bunu məhz belə gördüm. Əgər sən qalib gəlsəydin, biz müharibə etməzdik və bu milyonlarla insan bu gün ölmək əvəzinə sağ olardı”.