Kartof mədəaltı vəzi və qaraciyəri həddindən artıq yükləyir…
“Kartof qızartması ciddi sağlamlıq problemlərinə, o cümlədən allergiya, mədə-bağırsaq problemləri və hətta xərçəngə səbəb ola bilər”.
Tacxeber.com xəbər verir ki, bu barədə diyetoloq və tibb elmləri namizədi Darya Rusakova “360.ru” saytına açıqlamasında bildirib.
Onun sözlərinə görə, kartof mədəaltı vəzi və qaraciyəri həddindən artıq yükləyir.
“Fəst-fudun həddindən artıq kalorili olması və tərkibindəki trans yağlar gələcəkdə qida ilə bağlı xəstəliklər və xərçəng riskinin artmasına səbəb olur”, – həkim izah edib.
Diyetoloq onu da qeyd edib ki, “fast food” uşaqlarda psixoloji asılılıq yaradır. O, valideynlərə kartof qızartmasını məktəbəqədər uşaqların qidasından çıxarmağı və ya az hissədə dadına baxmağa icazə vermələrini tövsiyyə edib. Alternativ olaraq, bişmiş kartof, meyvə və tərəvəz təklif oluna bilər.