ABŞ prezidenti Donald Tramp evsizlərin və cinayətkarların Vaşinqtondan çıxarılacağını açıqlayıb.
Tacxeber.com xəbər verir ki, ABŞ mediası bunu bir növ müharibə elanı kimi qiymətləndirib.
“Sabah Ağ Evdə mətbuat konfransı keçirəcəyik. Paytaxtımızı əvvəlkindən daha təhlükəsiz və gözəl edəcəyəm. Evsizlər dərhal köçməlidir. Sizə ev verəcəyik, amma paytaxtdan uzaqda. Cinayətkarlar, siz köçmək məcburiyyətində deyilsiniz. Sizi aid olduğunuz yerdə həbsxanaya salacağıq. Hər şey sərhəddə olduğu kimi çox tez baş verəcək. Hazır olun”, – deyə Tramp bildirib.
Evsizlərin sayını azaltmaq üçün çalışan bir təşkilat olan “Community Partnership” təxminən 700 min əhalisi olan paytaxtda hər gecə 3782 evsizin olduğunu açıqlayıb.