ABŞ administrasiyası Rusiya prezidenti Vladimir Putin, ABŞ prezidenti Donald Tramp və Ukrayna prezidenti Vladimir Zelenski arasında üçtərəfli görüş təşkil etməyə hazırlaşır.
New York Post yazır ki, Ukraynanın iştirakı olmadan əldə olunacaq hər hansı sülh razılaşmasının əhəmiyyəti olmayacaq.
ABŞ vitse-prezidenti Cey Di Vens bildirib ki, Tramp Ukraynada davam edən müharibədən dərin narazıdır və onun tezliklə başa çatmasını istəyir. Səlahiyyət müddətinin əvvəlində Tramp Zelenskini açıq tənqid etsə də, sonradan Putinin onu aldatdığını – zahirən dost münasibəti göstərib eyni zamanda raket və pilotsuz aparat hücumları ilə mülki əhalini hədəfə aldığını söyləyib.
Tramp əvvəlcə Putinə danışıqlar masasına oturmaq üçün 50 gün vaxt verib, sonra bu müddəti azaldıb. Lakin müddətin bitdiyi gün yeni sanksiyalar tətbiq etmək əvəzinə, ABŞ lideri Putinlə Alyaskada görüşməyə razılaşıb.