Türkiyədə 29 yaşlı narkotik satıcısı (bariqa) Mıhyeddin Yakışır saxta pasport hazırlayıb və e-imza ilə özünü Baş Polis İdarəsinin Narkotiklərlə Mübarizə İdarəsinə baş komissar təyin edib.
Tacexeber.com xəbər verir ki, orta məktəbi yarımçıq bitirən Mıhyeddin təhsil nazirliyi, dövlət imtahan mərkəzi, regional təhsil idarələri və bir sıra universitetlərdə 17-dən çox yüksək vəzifədə olan şəxslərin e-imzasını əldə edərək söz sahibi olub. Bu sayədə isə saxta diplomlar hazırlayaraq onları rəsmi olaraq təsdiqləyib və satmağa başlayıb. Diplom satdığı şəxslər arasında isə bir sıra siyasi və din xadimləri, həkimlər, həmçinin yüksək vəzifəli dövlət işçiləri də var imiş.
Maraqlıdır ki, Mıhyeddin fərari imiş və bütün bunları edərkən narkotik alqı-satqısı və istifadəsi ilə məşğul olduğu üçün polis tərəfindən “axtarılırmış”.
