Ukrayna prezidenti Vladimir Zelenski Rusiyanın ötən gecə Kiyevə endirdiyi birgə zərbəyə cavab verib.
“Yaşayış infrastrukturuna külli miqdarda ziyan dəyib. Yaşayış massivlərindən birində çoxmərtəbəli binanın bütöv bir girişi uçub. Hazırda 6 nəfərin, 6 yaşlı uşaq və onun anasının öldüyü məlum olub. Dünyasını dəyişmiş insanların yaxınlarına başsağlığı verirəm. Həmçinin məlumdur ki, onlarla insan yaralanıb, hər birinə lazımi köməklik göstərilir.
Ruslar 300-dən çox pilotsuz təyyarə və səkkiz raket buraxıb. Biz hər şeyi edirik ki, insanlarımızı qorumaq üçün bütün razılaşmaları maksimum dərəcədə həyata keçirək, hər bir müqavilə həyatını qorumaq üçün işləsin. Bu gün dünya bir daha bizim Amerika və Avropa ilə sülh istəyimizə Rusiyanın cavabını gördü. Yeni nümayiş xarakterli qətllər. Ona görə də gücsüz sülh mümkün deyil. Amma Moskvanı sülhə məcbur etmək, onları real danışıqlar masası arxasına oturmağa məcbur etmək – bunun üçün tərəfdaşlarda bütün vasitələr var. Biz gözləyirik ki, hazırda Amerika və Avropanın bunun üçün səsləndirdiyi hər şey həyata keçiriləcək”, – Zelenski yazıb.