Ukrayna Milli Qvardiyasının “Rubej” briqadasının “Svoboda” batalyonunun S3 bölməsinin zabiti, baş leytenant Andrey Krivuşenko ölkə ordusunun əsas probleminin kadr çatışmazlığı olduğunu bildirib.
“Bu, ordunun problemi deyil, orduda olan problemdir. Məncə, bu, dövlətin və mülki əhalinin problemidir. Onlar hələ də baş verənləri və nələrin baş verə biləcəyini tam olaraq dərk etmirlər. Əgər bu ssenari mənfi istiqamətdə inkişaf etsə, nəticələrinin nə qədər faciəli ola biləcəyini anlamırlar. Biz, əlbəttə ki, buna yol verməyəcəyik. Amma mən başa düşürəm ki, əgər düşmən məqsədinə çatsa, bu, Ukrayna xalqının rəsmi şəkildə məhv edilməsi ilə nəticələnəcək”, – deyə o, Armiya TV-yə müsahibəsində bildirib.
Krivuşenko qeyd edib ki, işğal altındakı bütün ukraynalılar ya fiziki olaraq məhv ediləcək, ya da həbsxanalara atılacaqdı. Onun fikrincə, əgər hər bir vətəndaş bu təhlükəni dərk etsəydi, Ukrayna ordusunda belə kəskin kadr çatışmazlığı olmazdı.