Qanun təsdiqləndi: elektrik enerjisi ilə əlaqədar sabit aylıq tarif tətbiq ediləcək və bu səlahiyyət Tarif Şurasına (TŞ) həvalə edilib.
Gözlənti budur ki, aylıq sabit tarif 1 manat olacaq – yəni, işlətdiyimiz elektrik enerjisinin dəyərinin üzərinə əlavə 1 manat da gələcək.
Çox güman, TŞ-nın qərarı ilk olaraq aylıq 1 manat olacaq, amma, kim zənanət verə bilər ki, bir neçə aydan sonra TŞ-ı gecənin qaranlığında, vətəndaşlar yatanda (məşhur “mafiya” oynunda olduğu kimi), tarifi artırmayacaq?!
Ona görə də, mütləq hökumət bu qərarı vətəndaş qəzəbinin ünvanı kimi düşünülmüş TŞ-a həvalə etməməli, məsuliyyətin konkret ünvanı olmalı, Nazirlər Kabineti sabit tarifin, ən azı, üç il 1 manat olacağı ilə bağlı öhdəlik götürməlidir. Məsuliyyətin mütləq “adı və soyadı” bəlli olmalıdır, mücərrəd TŞ-na bu işi tapşırmaq olmaz.
Ümumiyyətlə, TŞ-nın fəaliyyəti büdcəyə təsir edir deyə, Ana Yasaya zidd qurumdur, çünki, bu səlahiyyət Parlamentə aiddir…
