Ukrayna Prezidenti Vladimir Zelenski iyulun 23-də Rusiyanın Suma vilayətinə dron hücumuna cavab olaraq bəyanatla çıxış edib. Dövlət başçısı bu barədə rəsmi Telegram kanalında məlumat verib.
Zelenskinin sözlərinə görə, Türkiyədə keçirilən danışıqlarda Ukrayna nümayəndə heyəti dərhal və tam atəşkəsin vacibliyini bir daha gündəmə gətirəcək.
> “Ukrayna nümayəndələri bu gün Türkiyədəki danışıqlarda bir daha belə hücumların, xüsusilə də mülki infrastrukturun hədəfə alınmasının yolverilməz olduğunu bildirəcək və dərhal atəşkəsin vacibliyini vurğulayacaqlar”, – deyə Zelenski qeyd edib.
Qeyd edək ki, Rusiyanın dron zərbəsi nəticəsində Suma vilayətində enerji infrastrukturuna ciddi ziyan dəyib. Hadisə nəticəsində 220 min abunəçi işıqsız qalıb. Regionda bərpa işləri davam etdirilir.