OpenAI ChatGPT-ni üst səviyyəyə aparan yeni tətbiq təqdim edib: ChatGPT Agent.
Tacxeber.com xəbər verir ki, yeni süni intellekt agenti istifadəçilərə sadə dil əmrlərindən istifadə etməklə mürəkkəb kompüter əsaslı tapşırıqları tez və təhlükəsiz şəkildə yerinə yetirməyə imkan verir.
OpenAI, ChatGPT-ni geniş spektrli kompüter əsaslı tapşırıqları yerinə yetirməyə qadir olan agentə çevirərək, süni intellekt sahəsində ən iddialı addımlarından birini atdı.
“ChatGPT Agent” həmçinin hər hansı materialı peşəkar redaktə edə, mürəkkəb terminləri və kodları aça biləcək.
“ChatGPT Agent” qısaca OpenAI-nin əvvəllər buraxılmış tətbiqlərinin birləşməsi kimi ümumiləşdirilə bilər. Məsələn, Deep Research (dərindən axtarış) yolu ilə çoxsaylı veb-saytlardan məlumatları sintez etmək və qısa tədqiqat hesabatı yaratmaq qabiliyyətini özündə birləşdirir.
ChatGPT Agent OpenAI-nin Pro, Plus abunəçiləri üçün arrtıq əlçatandır. ChatGPT alətləri menyusunda “Agent rejimi” seçimini aktivləşdirərək tətbiqdən istifadə edə bilərsiniz.