ABŞ və Yaponiya 9 iyul – 4 avqust tarixlərində Resolute Force Pacific adlı birgə hərbi təlimlərə start verib. Təlimlərin Rusiya Federasiyasının Uzaq Şərq sərhədlərinə yaxın ərazilərdə keçirilməsi Moskvanın kəskin etirazına səbəb olub.
Rusiya Xarici İşlər Nazirliyi bu səbəbdən Yaponiyanın Moskvadakı səfirliyinə etiraz notası göndərib. Rəsmi Moskva təlimlərin “Rusiya sərhədlərinin birbaşa yaxınlığında” keçirildiyini və bunun təhlükəsizlik üçün ciddi risk yaratdığını bildirib.
Təlimlərin məqsədi ABŞ və Yaponiya qüvvələri arasında operativ əməkdaşlığın gücləndirilməsi, eləcə də döyüş şəraitinə yaxın vəziyyətlərdə birgə reaksiya imkanlarının artırılması kimi təqdim edilib.
Rusiya tərəfi bu fəaliyyətləri öz təhlükəsizliyinə təhdid kimi qiymətləndirərək “adekvat cavab tədbirləri” görəcəyini bəyan edib.