Amerikalı alimlər qocalmanın səbəblərini araşdırıblar. Məlum olub ki, xüsusilə risk altında olanlar – az gəlirli insanlar və sosial cəhətdən zəif rayonların sakinləridir.
Tacxeber.comxəbər verir ki, tədqiqatçılar müəyyən ediblər ki, xroniki stress — təkcə emosional gərginlik deyil, həm də koqnitiv (idrak) qocalmanı sürətləndirən güclü faktordur.
The Conversation nəşrinin yazdığına görə, stress yuxudan və qidalanmadan tutmuş sosial münasibətlərə qədər hər şeyi təsir altına alır və bununla da demensiya (ağıl zəifliyi) riskini əhəmiyyətli dərəcədə artırır.
Elm çoxdan təsdiqləyib ki, yaddaş pozulmalarının qarşısını almaq üçün düzgün qidalanmaq, fiziki aktivlik və sosial münasibətləri qorumaq vacibdir. Lakin nədənsə stress əksər hallarda standart tövsiyələrdə nəzərə alınmır. Halbuki məhz stress zəncirvari bir prosesi işə salır: pis yatırıq, daha az hərəkət edirik, özümüzü pis hiss edirik və nəticədə stress daha da artır və qocalırıq.
Ən çox risk altında olanlar isə az gəlirli insanlar və sosial baxımdan zəif rayonlarda yaşayanlardır. Onlarda stress səviyyəsi yüksək, onun öhdəsindən gəlmək imkanları isə daha azdır.