Fransa Silahlı Qüvvələrinin Baş Qərargah rəisi Tyerri Burkar Rusiyanın Fransa üçün daimi, yaxın və ən mühüm təhlükə olduğunu bəyan edib. Bu barədə o, 11 iyulda keçirdiyi mətbuat konfransında danışıb.
Onun sözlərinə görə, Moskva Fransanı açıq şəkildə Avropada əsas rəqib adlandırıb və bu qarşıdurmanın əlamətləri artıq bir çox sahələrdə hiss olunur:
“Ağıllı davranmalıyıq. Biz, yəqin ki, birbaşa və kütləvi hücuma məruz qalan ölkə deyilik. Lakin başqa formalar mümkündür – xüsusilə də hibrid müharibə şəklində. Bu isə o deməkdir ki, biz faktiki olaraq bütün sahələrdə – kosmosda, kiberməkanda və okean dərinliklərində qarşıdurma ilə üz-üzəyik“, – deyə general bildirib.
Burkar həmçinin vurğulayıb ki, bu təhlükə hərbi toqquşmadan daha çox çoxşaxəli və çoxmərhələli müharibə formasında özünü göstərir.