Romada ABŞ-ın xüsusi nümayəndəsi Keyt Kelloqla görüşündə Ukrayna prezidenti Volodimir Zelenski bir daha Kiyevə Amerika silahları və hava hücumundan müdafiə sistemlərinin çatdırılmasını istəyib.
Tacxeber.com xəbər verir ki, bu barədə Zelenski öz telegram kanalında yazıb.
Rəsmi bildirib ki, onun Kelloq ilə görüş zamanı silah tədarükü və hava hücumundan müdafiə sisteminin gücləndirilməsi müzakirə olunub. O, həmçinin qeyd edib ki, onlar Amerika silahlarının alınması, birgə müdafiə istehsalı və onların Ukrayna ərazisində lokallaşdırılmasını müzakirə ediblər.
Qeyd edək ki, iyulun 10-da ABŞ-ın Ukraynaya bəzi silah növlərinin tədarükünü bərpa etdiyi bildirilib. ABŞ prezidenti Donald Tramp Zelenskiyə Patriot hava hücumundan müdafiə sistemi üçün 10 raketin təcili təhvil veriləcəyini vəd edib. Tramp həmçinin əlavə tədarük kanallarının tapılmasına kömək etməyə hazır olduğunu bildirib.