Tacxeber.com xəbər verir ki, bunu brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova erməni kilsəsi ətrafında gedən prosesləri şərh edərkən deyib.
“Niyə? Çünki Ermənistanda cəmiyyəti parçalayır. Söhbət erməniləri həmişə birləşdirən və erməni xalqının başına gələn ağır sınaqlardan, bəzən isə dəhşətli sınaqlardan sağ çıxmağa kömək edən şeylərdən gedir.
İndi isə birdən-birə bu fundamental, danılmaz dəyərlər (iman, din, kilsə) süni şəkildə az qala mübahisə predmetinə çevrilir.
Bu, Ermənistanda və təkcə Ermənistanda deyil, bütün dünyada erməni mədəniyyəti və tarixi ilə məşğul olan insanların süni şəkildə bir-birinə qarşı qoyulmasıdır.
Bütün bunlar nədənsə Rusiya ilə bağlıdır. Rusiyanın bununla nə əlaqəsi var?
Daxili işlərlə bağlı suallar varsa, deməli, bu daxili hekayədir. Amma burada hər şey qarışıb. Bir tərəfdən erməni kilsəsinin nümayəndələrinə qarşı iddialar səslənirdi, digər tərəfdən Rusiyanın bununla nə əlaqəsi var?
Rusiya qardaş Ermənistanın sabitliyində səmimi olaraq maraqlıdır, sadəcə ona görə ki, bu, bizim üçün faydalıdır.
Biz Konstitusiyaya əsaslanan qanunların saxlanmasının, vətəndaşların, o cümlədən dindarların hüquq və azadlıqlarının təmin edilməsinin tərəfdarıyıq, xüsusən də hakimiyyət bu barədə bu qədər açıq danışanda və bunu öz seçki kampaniyasının bir hissəsinə çevirəndə”, – Zaxarova qeyd edib.