Çeçenistan rəhbəri Ramzan Kadırovun 17 yaşlı oğlu və respublikanın Təhlükəsizlik Şurasının katibi Adam Kadırov Rusiya prezidenti Vladimir Putinə müraciət edib və sosial şəbəkədə Rusiya lideri ilə birgə fotosunu paylaşıb.
Tacxeber.com xəbər verir ki, Adam Kadırov paylaşımında Rusiya prezidentinə çeçen xalqı üçün etdiyi hər şeyə görə təşəkkürünü bildirib.
“Xüsusilə bizim ailəmiz üçün sizin davamlı diqqətiniz çox dəyərlidir,” – deyə o vurğulayıb.
Fotoya əlavə olunan şəkildə gənc Kadırov Rusiya liderinin əlini sıxır. Lakin bu fotonun harada və nə vaxt çəkildiyi məlum deyil.
Əvvəlki xəbərlərə görə, Çeçenistanın milli siyasət naziri Əhməd Dudayev bildirib ki, 28 iyun tarixində Vladimir Putin Çeçenistan Təhlükəsizlik Şurasının katibi ilə qeyri-rəsmi görüş keçirib.
Onun sözlərinə görə, dövlət başçısı Adam Kadırovu yaxınlaşan toy münasibətilə təbrik edib və ona xoşbəxt ailə həyatı arzulayıb.