ABŞ-nin B-2 bombardmançıları ilə vurduğu İrandakı Fordo, Natanz və İsfahan nüvə obyektlərində yenidənqurma işlərinə başlanılıb.
Tacxeber.comxarici KİV-ə istinadla xəbər verir ki, peyk görüntülərinə görə, çökən tunelin girişlərində tikinti texnikası işləyir.
Görüntülərdə dağın yamacındakı çökmələrin ətrafında qazanlar, buldozerlər və kranların işlədiyi, obyektlərin əsas yollarına çıxışı təmin etmək üçün yeni keçidlərin açıldığı görülüb.
Mütəxəssislərin fikrincə, İranın əsas məqsədi çökmüş hava boşluqlarını yenidən açmaq və obyektlərə dəyən ziyanı qiymətləndirməkdir.
İsrail hökuməti bundan əvvəl də İranın nüvə obyektlərini yenidən quracağı təqdirdə yenidən hücuma məruz qalacağı ilə bağlı bəyanatlar vermişdi. ABŞ hələlik rəsmi açıqlama verməsə də, Tel-Əviv rəhbərliyinin hadisələri diqqətlə izlədiyi məlumdur.
Qeyd edək ki, ABŞ ordusu bu hücumlarda ilk dəfə GBU-57 MOP tipli bunker buster bombalarından istifadə edib. Hücumlar nəticəsində İranın nüvə proqramına ciddi ziyan vurulduğu bildirilib.
İsrail isə obyektlərdə hələ də basdırılmış yüzlərlə kilo zənginləşdirilmiş uranın olduğunu iddia edir və İranın nüvə bombası istehsal etmək potensialına çata biləcəyi barədə xəbərdarlıq edir.
