“Çin indi yenidən İrandan neft ala bilər”.
Tacxeber.com xəbər verir ki, bunu ABŞ Prezidenti Donald Tramp “Truth Social” sosial şəbəkəsindəki hesabında yazıb.
Eyni zamanda Amerika lideri Çinin də ABŞ-dan neft alacağına ümid etdiyini bildirib.
“Çin indi İrandan neft almağa davam edə bilər. Ümid edirəm ki, onlar bu nefti həm də ABŞ-dan böyük həcmdə alacaqlar. Bunu mümkün etmək mənim üçün böyük şərəf idi!” – Tramp yazıb.
Qeyd edək ki, İsrail və İran arasında münaqişənin kəskinləşməsi zamanı ekspertlər ABŞ-ın nüvə obyektlərinə endirdiyi zərbələrə cavab olaraq Tehranın Hörmüz boğazını bağlaya biləcəyindən narahat olduqlarını bildiriblər. Dünya neftinin 20%-ə qədəri Hörmüzdən keçir və onun blokadası qiyməti bir barel üçün 130 dollardan yuxarı qaldıra bilər.