İran Səhiyyə Nazirliyinin sözçüsü Hüseyn Kermanpur cümə günü Tehranın xəstəxanalarından birinin İsrailin raket hücumuna məruz qaldığını bildirib.
Tacxeber.com xəbər verir ki, o, bu barədə “X” sosial şəbəkəsində yazıb: “Cümə günü səhər daha bir xəstəxana raket atəşinə tutulub. Bu, İranda hücuma məruz qalan üçüncü xəstəxanadır”.
Bu arada “Tasnim” xəbər agentliyi İsrailin Kirmanşah vilayətində daha bir xəstəxananı vurduğunu xəbər verir. Binaya ciddi ziyan dəyib və müvəqqəti olaraq istismardan çıxarılıb. Təcili yardım maşınına da ziyan dəyib.