ABŞ-da miqrantlara qarşı sərt tədbirlərə qarşı çıxan məşhurlar sırasına dünya ulduzu Şakira da qoşulub. Kolumbiyalı müğənni ABŞ-da olmağın artıq “davamlı qorxu” ilə yaşamaq mənasına gəldiyini deyib.
Tacxeber.com xəbər verir ki, “BBC News”-a danışan 48 yaşlı sənətçi ABŞ-da miqrantlara qarşı tətbiq edilən aqressiv siyasətin minlərlə insana ciddi təsir etdiyini bildirib.
O, Donald Trampın yenidən prezident seçildikdən sonra bu məsələyə prioritet verməsinin miqrantları daha da təşvişə saldığını qeyd edib:
“Bu mənzərəni görmək acı verir. İndi hər zamankindən daha çox bir olmalıyıq. Səslərimizi qaldırmalıyıq və unutdurmamalıyıq ki, bütün insanlara münasibət insanlıq çərçivəsində olmalıdır”.