İnsanlar robotların və süni intellektin dünyanı idarə etməsinə icazə verməyəcək. Bu texnologiyalar yalnız insanların əlində alət olaraq qalacaq.
Tacxeber.comxəbər verir ki, bunu amerikalı milyarder İlon Maskın atası Errol Mask bildirib.
Onun sözlərinə görə, 2040-cı ildə robotlar paltaryuyan maşınlar qədər gündəlik həyatın bir hissəsi olacaq: “Süni intellektin dünyanı zəbt edəcəyi ilə bağlı hekayələrə inanmıram. Heç bir şey insan düşüncəsindən üstün ola bilməz”.
O, texnologiyaların təhdid deyil, fayda gətirəcəyini vurğulayaraq, ağlımızı gündəlik işlərdən azad edəcəyini və insanların daha çox yaradıcı işlərlə məşğul olacağını qeyd edib. (Publika.az)