Latviya, Litva və Estoniyanın xarici siyasətindən danışan Rusiyanın xarici işlər naziri Sergey Lavrov bu ölkələri Rusiya və Belarusa qarşı qoyan “böyük xuliqanlar” tərəfindən manipulyasiya edilən üç “kiçik xuliqan” adlandırıb.
Tacxeber.com xəbər verir ki, Lavrov uşaqlıq xatirələri ilə bənzətmə apararaq Baltikyanı ölkələrdəki vəziyyəti təsvir edib.
“Dərsdən sonra həyətə oyun oynamaq üçün çıxanda və bu kimi üç kiçik xuliqan peyda olur…. Onları öz yerinə oturtmağa başlayanda bu kiçikləri idarə edən “böyük xuliqanlar” gəlir”, – Rusiya Xarici İşlər Nazirliyinin rəhbəri qeyd edib.
Lavrovun sözlərinə görə, Latviya, Estoniya və Litvanı manipulyasiya etmək məqsədi Rusiya və onun müttəfiqlərini, o cümlədən Belarusu zəiflətmək üçün daimi cəhdlərdir. O vurğulayıb ki, bu ölkələr müstəqil siyasi oyunçular deyil, marionet rolunda çıxış edirlər.