Hal-hazırda bu bəyanat gündəmdədir. İsrail həqiqətənmi Ukraynaya 1 batareya Patriot verdi?
İsrailin Ukraynadaki səfiri Brodskinin sözlərinə görə İsrailin Patriot sistemi artıq Ukraynadadır.
Əvvəla bir lətifə danışım sizə ki, məsələnin mahiyyətini başa düşəsiniz.
2 qonşu oturub söhbətləşirlər.
– O düz söhbətdir ki, Rabinoviç lotoreyada Volqanı udub?
– Düz söhbətdir. Amma Rabinoviç yox, İvanov. Və Volqanı yox, 100 rublu. Və lotoreyada yox kartda. Və udmayıb, uduzub.
İsrailin Ukraynadaki səfirinin bəyanatı da buna oxşardır. 1 batareya yox, 1 atəş qurğusu. Və verməyib, qaytarıb. Və Ukraynaya yox, ABŞ-a.
ABŞ isə bu atəş qurğunu Ukraynaya göndərəcək, bu barədə Bayden hələ sentyabrda göstəriş vermişdi və İsrail Baydenla olan razılıq çərçivəsində bu atəş qurğunu ABŞ-a qaytardı.
P.S. Dostlar bu xəbər barədə çox sual verirdilər, demişdim ki, belə xəbərləri tez-tələsik paylaşmaq olmaz, öz etibarlı mənbələrimdən yoxlamalıyam.