Tramp NASA-ya yeni direktor təyin edəcəyinə söz verdi

ABŞ Prezidenti Donald Tramp tezliklə ABŞ Milli Aeronavtika və Kosmik Tədqiqatlar Administrasiyasının ( NASA ) direktoru vəzifəsinə yeni namizədi təqdim edəcək.

Tacxeber.com xəbər verir ki, Ağ Ev rəhbəri bu barədə “Truth Social” sosial şəbəkəsində məlumat verib.

“Mən tezliklə yeni namizədi elan edəcəyəm. Bu adam Amerikanı kosmosda birinci yerə qoyacaq”, – o vurğulayıb.

 

Tramp qeyd edib ki, Jared Ayzekmanın NASA rəhbərliyinə namizədliyi geri götürülüb.

Bir gün əvvəl Amerikanın “Semafor” nəşri yazmışdı ki, ABŞ hökuməti kosmosda olmuş milyarder Jared Ayzekmanın NASA rəhbəri postuna namizədliyini geri götürə bilər. Bu qərarın səbəbləri açıqlanmır.

Tacxeber.com