Ukrayna prezidenti Vladimir Zelenski Rusiya ilə “daimi genişləndirilmiş milli danışıqlar qrupu”nun yaradılmasına göstəriş verib.

 

Tacxeber.com xəbər verir ki, o, bu barədə “Telegram” kanalında müdafiə naziri Rustem Umerovla görüşdən sonra bildirib.

 

Qeyd edək ki, bundan əvvəl Zelenski bildirib ki, Ukrayna əsas məsələlərin həlli üçün “liderlər səviyyəsində” görüşə hazırdır və respublika Rusiya ilə birbaşa danışıqlardan qorxmur. Onun sözlərinə görə, İstanbuldakı Ukrayna nümayəndə heyəti “söhbəti layiqli çərçivədə aparmağı bacarıb” və “Rusiya təhdidləri” ilə bağlı bütün cəhdlər rədd edilib. O qeyd edib ki, Kiyev diplomatiya üçün əsas kimi tam və qeyd-şərtsiz atəşkəsdə israrlıdır. Zelenski əlavə edib ki, bu, uzunmüddətli və uzadılma ehtimalı ilə olmalıdır.

Tacxeber.com