ABŞ Federal Tədqiqatlar Bürosunun (FTB) keçmiş rəhbəri Ceyms Komi prezident Donald Trampa sui-qəsd təşviq etdiyi iddia edilən paylaşım edib.
Tacxeber.com xəbər verir ki, Məxfi Xidmət daha sonra paylaşımını silən Komi haqqında araşdırma başladıb.
Sabiq direktor sosial media hesabında çimərlikdə qum üzərində balıqqulağı ilə yazılmış “86 47” rəqəmlərinin fotosunu “Sahildə gəzinti zamanı rastlaşdığım maraqlı görüntü” şərhi ilə paylaşıb.
ABŞ-ın daxili təhlükəsizlik naziri Kristi Noem bu paylaşımı Trampa qarşı sui-qəsd təşviqi kimi qiymətləndirib. O bildirib ki, Milli Təhlükəsizlik Departamenti və Məxfi Xidmət bu təhdidi araşdırır və lazımi cavab veriləcək.
