“Müştəridən 5 manat qazanacaqdım, amma bircə dəqiqəyə görə heç mənzilbaşına çatmamış 100 manat cərimə gəldi”.
Tacxeber.com xəbər verir ki, bunu müştəri götürərkən cərimələnən taksi sürücüsü Turabxan Sərxanov deyir.
Turabxan Sərxanov bu halın digər taksi sürücləri üçün də dəfələrlə problem yaratdığını bildirib. Xüsusilə də avtobus zolaqlarının olduğu ərazilərdə bu cür vəziyyət daha çox yaşanır.
Nəqliyyat eksperti Yasin Mustafayev deyir ki, aparılan islahatların əsas məqsədi ictimai nəqliyyatın işini optimallaşdırmaq, həmçinin fərdi nəqliyyat vasitələrinin işini məhdudlaşdırmaqdır. Ancaq bu fonda taksilər üçün yaranmış çətinliklərə də diqqət ayırmaq lazımdır.
Məsələ ilə bağlı Azərbaycan Yerüstü Nəqliyyat Agentliyindən “Xəzər Xəbər”ə bildirildi ki, bununla bağlı hər hansı layihə olarsa, icitmaiyyətə təqdim ediləcək.