Amerikada 6 milyondan çox insan altsheymer xəstəliyindən əziyyət çəkir.
Tacxeber.comxəbər verir ki, Vanderbilt Tibb Mərkəzi və Pittsburq Universitetinin alimləri isə həyat tərzi vərdişlərinin bu xəstəliyin yaranmasına necə təsir etdiyini araşdırırlar.
Alimlər müəyyən ediblər ki, yaşlı insanların çox oturması və ya uzanaraq keçirdikləri vaxtın artması onların zehni qabiliyyətlərinin zəifləməsi və altsheymer riski ilə əlaqəli beyin bölgələrinin həcminin azalması ilə bağlıdır.
Tədqiqatda 50 yaş və yuxarı olan 404 nəfər iştirak edib. Onlar bir həftə ərzində fasiləsiz olaraq fəaliyyətlərini ölçən ağıllı saatlar taxıblar. Araşdırma zamanı iştirakçıların oturaq həyat tərzi, zehni qabiliyyətləri və beyin skanlarının nəticələri 7 il ərzində izlənilib.
Nəticələr göstərib ki, daha çox oturan insanlar, nə qədər idman etmələrindən asılı olmayaraq, zehni zəifləməyə və neyrodegenerativ dəyişikliklərə daha çox meyilli olurlar.