Əməkdar artist Mətanət İsgəndərli solo konsertindən əvvəl media nümayəndələrinin suallarını cavablandıran zaman xoşagəlməz hal yaşanıb.
Sənətçinin prodüseri Asif Kərimov müğənniyə ünvanlanmış suallara onun əvəzindən media nümayəndələrinə qarşı aqressiv formada cavablar verib.
Belə ki, Mətanət İsgəndərliyə “27 il solo konsert verməməyinizə səbəb nə olub?” sualına prodüser sərt formada “Ən böyük maneə mənəm – Asif Kərimov. Səbəbini sənə sonra deyərəm. Onun sənə borcu yoxdur”, – deyə cavab verib.
Mətanət İsgəndərli isə prodüserin jurnalistlərə qarşı bu cür davranışına səssiz qalıb.