Rusiyanın hərbçilərinin Donetsk vilayətində əsir götürdüyü Ukrayna Silahlı Qüvvələrinin üç hərbçisini güllələdikləri iddia edilir.
Bu barədə Ukrayna Baş Prokurorluğu mayın 6-da Telegram-da məlumat yayıb. Qeyd olunur ki, hadisə mayın 3-də Donetsk vilayətinin Volnovaxa rayonunun Velikonovoselkovskaya ərazi icmasının Novopolye kəndi yaxınlığında baş verib. Hücum zamanı işğalçılar ukraynalı müdafiəçiləri mühasirəyə alaraq silahlarını yerə qoymağa və təslim olmağa məcbur ediblər. Hərbi müdafiə qüvvələrinin müqavimət göstərə bilməyəcəyini anlayan Rusiya Silahlı Qüvvələrinin nümayəndələri onları avtomat silahlardan atəşə tutublar, – məlumatda deyilir. OGP xatırladıb ki, hərbi əsirlərin qəsdən öldürülməsi Cenevrə Konvensiyalarının kobud şəkildə pozulmasıdır və ağır beynəlxalq cinayət kimi təsnif edilir.