ABŞ Prezidenti Donald Tramp NASA proqramlarına 8 milyard dollardan çox vəsait ayıracaq.
Tacxeber.com xəbər verir ki, 2026-cı il büdcəsi çərçivəsində Tramp NASA-nın Ay və Marsın tədqiqi ilə bağlı proqramlarına 8 milyard dollardan çox vəsait ayırmağı planlaşdırır.
Bu barədə Ağ Evin cümə günü dərc etdiyi federal büdcə layihəsində deyilir. Layihə Ayın və Marsın tədqiqinin sürətləndirilməsinə diqqət yetirməklə ABŞ-ın kosmik proqramı üçün maliyyənin əhəmiyyətli dərəcədə artırılmasını təklif edir.
NASA-nın Çindən öncə Aya getmək məqsədi daşıyan missiyasına 7 milyard dollardan çox vəsait tələb olunur. Bundan əlavə, Marsa insan göndərmək məqsədi daşıyan uzunmüddətli proqramların həyata keçirilməsi üçün əlavə 1 milyard dollar investisiya nəzərdə tutulur.
Sənəddə vurğulanır ki, ABŞ-ın kosmosun tədqiqində liderliyini bərpa etmək milli təhlükəsizlik strategiyasının elementidir.