Ukrayna prezidenti Volodimir Zelenskinin Çin əleyhinə səsləndirdiyi iddialardan sonra Pekinin Kiyevdəki səfiri Ukrayna Xarici İşlər Nazirliyinə çağırılıb.
Tacxeber.comxəbər verir ki, bu barədə Ukrayna mətbuatı yazıb.
“Biz Çinin Kiyevdəki səfiri Şenqkunu çağırdıq və ona Çinin müharibədəki mümkün rolu ilə bağlı ciddi narahatlığımızı çatdırdıq”, – deyə məlumatda qeyd olunub.
Məlumata görə, Zelenski Çin vətəndaşlarının Rusiyada pilotsuz uçan aparat istehsal edən mərkəzdə işlədiyini açıqlayıb və Moskvanın Çindən dron texnologiyasını oğurlamış ola biləcəyi iddiasını irəli sürüb.
Bu sözləri Zelenski Kiyevdə mətbuat konfransı zamanı deyib. Bu, onun Çini Rusiyaya silah və barıt göndərmək kimi birbaşa hərbi yardım göstərməkdə ittiham etməsindən bir neçə gün sonraya təsadüf edir.