Xəbər verdiyimiz kimi, İran Ermənistanla birlikdə Azərbaycan sərhədi yaxınlığında üç günlük genişmiqyaslı hərbi təlim keçirdi.
Tacxeber.comxəbər verir ki, “Long War Journal”ın məlumatında bu təlimlərin Azərbaycana qarşı yönəldiyi əks olunub.
Qeyd olunub ki, hərbi təlimlərin keçirildiyi Norduz adlı ərazi Naxçıvan, Ermənistan və İranın kəsişməsində yerləşir.
Burada İslam İnqilabı Keşikçiləri Korpusunun (SEPAH) quru qüvvələrinin “Aşura” diviziyası İranı Azərbaycandan ayıran Araz çayı üzərinə müvəqqəti körpü atdı.
İslam İnqilabı Keşikçiləri Korpusunun quru qoşunlarının əməliyyatlar üzrə komandirinin müavini Vəliola Mədəni bildirib ki, təlimlər sərhəd təhlükəsizliyini gücləndirmək və İranın qonşu ölkələrin ərazi bütövlüyünü qorumaq məqsədi daşıyır.
Məqalədə qeyd olunub ki, İran Azərbaycanla mübarizədə Ermənistanı dəstəkləyir. (Bakupost.az)