Rəbiyyə Məmmədova Sahibkarlığın İnkişaf Fondunun binası qarşısında oturaq aksiya edir.

O, sosial təşəbbüsü üçün kredit ayrılmamasından şikayətçidir.

“Sahibkarlıq İnkişaf fondunun qarşısında oturaq aksiya edirəm, bəlkə mənim səsim eşidirlər. 3 aya yaxındır, mənasız bürokratiya ilə mübarizə aparıram”, o sosial şəbəkə hesabında yazıb.

 

Məmmədova deyir ki, söhbət 15000 manatlıq kreditdən gedir və onlar bu məbləği faizi ilə geri qaytaracaqlar, lakin kredit verilmir.

Rəbiyyə Məmmədova 2022-ci ildə yaratdığı “Sapla” adlı sosial təşəbbüsünün fəaliyyətinin davam etdirilməsinə əngəllər yaradıldığını deyir.