“Biz 11 futbolçuya və 3 hakimə qarşı oynadıq”.
Bu sözləri “Sabah”ın baş məşqçisi Vasili Berezutski oyunsonrası mətbuat konfransında deyib.
O, mətbuat konfransında bu gün Azərbaycan kubokunun 1/2 final mərhələsinin ilk matçında səfərdə “Neftçi”yə qalib gəldikləri (2:1) matç haqda qısa danışıb.
Ümumiyyətlə, mətbuat konfransı çox qısa çəkib. Daha doğrusu, konfransı rusiyalı mütəxəsssin cəmi 4 cümləsindən ibarət olub. O, oyuna dair yalnız bunları bildirib:
“Uşaqlara afərin, yaxşı oyun göstərdilər. Biz futbolçuya və 3 hakimə qarşı oynadıq. Daha vacibi hakimlər bu gün VAR-ı unutmuşdular. Prinsipcə oyunla bağlı deyəcəyim budur, vəssalam”.
Bundan sonra V.Berezutski sağollaşaraq mətbuat konfransını jurnalistlərin sualları gözləmədən tərk edib.