ABŞ-ın Yəməndə Husilərə qarşı hərbi əməliyyatlarına dair məxfi planların səhvən bir jurnalistə göndərilməsi qalmaqala səbəb olub.
Tacxeber.com xəbər verir ki, “Atlantic” dərgisinin redaktoru Jeffri Qoldberq ABŞ-nin Yəməndəki hərbi əməliyyatlarına dair məxfi planların olduğu mesajları aldığını bildirib. Bu mesajlar ABŞ Prezidentinin müavini Ceymz Deyvid Vans və Müdafiə Naziri Pete Heqset adları ilə yaradılmış hesablar arasında keçən söhbətləri əhatə edir. Qoldberq əvvəlcə bu mesajların real olduğuna inanmadığını, lakin sonradan Yəməndə bombalamaların başladığını müşahidə etdiyini qeyd edib.
Ağ Evin Milli Təhlükəsizlik Şurasının sözçüsü Brian Huqes məsələ ilə bağlı açıqlama verərək bu mesajların həqiqiliyini təsdiqləyib və jurnalistin səhvən bu qrup söhbətinə necə əlavə edildiyini araşdırdıqlarını bildirib. Huqes bu səhvin Yəməndəki əməliyyatlara təsir etmədiyini vurğulayıb.